صفحه اصلی / بیانیه / گونئی آذربایجان میللی آزادلیق جبهه‌سینین آزربایجان دؤولتی و اوردوسونا دستک بیاناتی

گونئی آذربایجان میللی آزادلیق جبهه‌سینین آزربایجان دؤولتی و اوردوسونا دستک بیاناتی

معلوم اولدوغو کیمی، سئنتیابرین ۲۷-ده ساعت ۰۶:۰۰ راده‌لرین‌ده ائرمنیستان سلاح‌لی قوه‌لری گئنیش میقیاس‌لی تخریبات تؤره‌ده‌رک آزربایجانین جبهه بویو منطقه لرده یئرلشه‌ن حربی مؤقعلرینی و یاشاییش منطقه‌لرینی موختلیف ایری چاپ‌لی سیلاحلار و آغیرسیلاحلار قورغولارین‌دان دایمی آتشه توتوب. آزربایجان اوردوسو دوشمه‌نین بو تخریباتینین قارشی‌سینی آلماق و سرحد یانی مناطیق ده یاشایان مولکی اهالینین تهلوکسیزلیینی تعمین ائتمک مقصدیله جاواب تدبیرلری گؤروب و عکس هوجوما کئچه‌رک، فضولی رایونونون قاراخانبی‌لی، قروند، کند قره‌دیز، جبراییل رایونونون بؤیوک مرجان‌لی و روزگار کندلرینی ایشغال‌دان آزاد ائدیب.

آزربایجان دؤولتی و اوردوسونون ائرمنیستانین تخریباتینا بو قوروروئریجی جاوابی اراضی بوتؤولویونون تعمین ائدیلمه‌سی ایستیقامتین‌ده آزربایجانین قرارلی‌لیغینی نوماییشی‌دیر.

بیز، گونئی آزربایجان میللی آزادلیق جبهه‌سی (گاماج) اولاراق، آزربایجان اوردوسو طرفین‌دن فاشیست ایدئولوگییاسی ایله بس‌لنه‌ن ائرمه‌نی ایشغال‌چیلارینین آزربایجانین ایشغال اولونموش اراضیلرین‌دن تمامیله تمیزله‌یه‌نمه‌سی ایستیقامتین‌ده باشلادیلان بو حربی عملیاتلاری دستکلییریک. بیان ائدیریک کی، گونئی آزربایجان‌دا یاشایان میلیونلارلا آزربایجان تورکو آزربایجان رئسپوبلیکاسینین پرئزیدئنتی و آلی باش کومان‌دان جناب ایلهام الیئوین میللی سفربرلییه(بسیج عمومی) چاغیریشینی گؤزلییر و اونلار هر بیر شرایط‌ده آزربایجان دؤولتینین یانیندادیرلار.

گاماج همچینین ایران ر‌ئژیمی طرفین‌دن ایشغال‌چی ائرمنیستانا حربی و اقتصادی یاردیملارین دوردورولماسینی طلب ائدیر. بئله کی، ائرمنیستانلا اولان سرحد بؤلگه‌سین‌دن حربی سورساتلارین داشینماسی بو گون ده داوام ائتمک‌ده‌دیر. حساب ائدیریک کی، ایران رئژیمینین آزربایجان دؤولتچیلیینه و اراضی بوتؤولویونه قارشی بو یاناشماسی یولوئریلمزدیر و بیان ائدیریک کی، ایران رئژیمی ایشغالشی ائرمنیستانا یاردیملارینی دوردورمادیغی تقدیرده گونئی آزربایجان‌دا یاشایان آزربایجان‌لیلارین کسکین اعتراضی ایله قارشیلاشاجاق.

گونئی آزربایجان میللی آزادلیق جبهه‌سی​۲۷.۹.۲۰۲۰

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *