یکشنبه - ۲۹ فروردین ۱۴۰۰
صفحه اصلی / بیانیه / گاماج ین عیراق کورد یونتیمینین گونئی آذربایجانین اراضی بوتؤولویونه قارشی تخریباتینا اعتیراض بیاناتی

گاماج ین عیراق کورد یونتیمینین گونئی آذربایجانین اراضی بوتؤولویونه قارشی تخریباتینا اعتیراض بیاناتی

گونئی آذربایجان میللی آزادلیق جبهه‌سینین عیراق کورد محللی یؤنتیمینین گونئی آذربایجانین اراضی بوتؤولویونه قارشی تخریباتینا اعتیراض بیاناتی:

روما پاپاسی فرانسیسکین عیراق دا دؤرد گونلوک سفری، اونون عیراق حکومتی و نفوذلو دین خادیملریله گؤروشو، تورکمه‌نلرین یاشادیغی بولگه لری زیارت ائتمه‌سی، ایشید(داعش) تئررورچولاری طرفین‌دن داغیدیلمیش کیلسه‌لره گئدیب، ایشید تئررورونون قوربانلارینا دعا ائتمه‌سی دونیا گون‌ده‌مین‌ده دینلرآراسی یاخینلاشمانی تجسسوم ائتدیره‌ن سفر کیمی دئیرلندیریلدی. روما پاپاسینین بو تاریخی سفرینی اؤزلرینین تخریبات پلانلاری اوچون فورصت بیله‌ن کورد محللی یؤنتیمی طرفین‌دن پاپانین شرفینه چاپ اولونان خاطره مارکالارینین بیرین‌ده »قوندارما کوردوستان» خریته‌سینین تصویر اولوندوغو اورتایا چیخدی. خریته گونئی آذربایجانین بعضی اراضیلری ده داخیل اولماقلا، تورکییه اراضی‌سینین بؤیوک بیر حیسه‌سینی و تورکمه‌نلرین یاشادیقلاری تاریخی اراضیلری احاطه ائدیر.

مافیالاشمیش کورد محللی یؤنتیمینین بو تخریباتی روما پاپاسینین صلح مراملی میسسییاسینا لکه سالماقلا یاناشی، هم ده تورکییه دؤولتینی، تورکمه‌نلری و گونئی آذربایجان‌داکی تورکلری جدی شکیل‌ده ناراحات ائدیب و اونلارین اعتراضلارینا سبب اولوب. ماراق‌لی‌دیر کی، عیراق کورد محل‌لی یؤنتیمینین بو ساختا اراضی تخریباتینا ایران رسمیلری هئچ بیر جدی موناسیبت گؤسترمه‌ییبلر. بو ایسه گونئی آذربایجان‌داکی تورکلری آیریجا هیددتلندیریب و اونلار ایران رئژیمینه موختلیف فورمادا اؤز اعتراضلارینین بیلدیریبلر.

گونئی آذربایجان میللی آزادلیق جبهه‌سی مافیالاشمیش کورد محللی یؤنتیمینین آذربایجان اراضی بوتؤولویونه قارشی اساس‌سیز ادعالارینی قینایاراق، میللتیمیزین اونلارا قارشی کوتلوی لشمک‌ده اولان اعتراضلارینی دستکلییر. گاماج بیان ائدیر کی، بو موناقیشه‌نین درینلشمه‌سین‌دن و گله‌جک‌ده باش وئره‌جک هر هان‌سی قارشی‌دورمادان تخریبات‌چی عیراق کورد محللی یؤنتی‌می مسولیت‌لی‌دیر. بونا گؤره ده اونلار اؤز اساس‌سیز ادعالارین‌دان گئری چکیلمه‌لی و بیلمه‌لی‌دیلر کی، آذربایجان تورک میللتی و بوتؤولوک‌ده تورکلر تاریخی اراضیلرینین بیر قاریشین‌دان بئله واز کئچمه‌یه‌جکلر و او اراضیلره ادعا ائد‌نلره قارشی کسکین جاواب وئره‌جکلر.

گونئی آذربایجان میل‌لی آزادلیق جبهه‌سی

​​​۱۱.۰۳.۲۰۲۱

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *