صفحه اصلی / مقالات / ایران کیملیگی (هویت ایرانی) اوزره نه دئمک ایستردینیز؟ – ایشیق سؤنمز

ایران کیملیگی (هویت ایرانی) اوزره نه دئمک ایستردینیز؟ – ایشیق سؤنمز

سورقو: ایران کیملیگی (هویت ایرانی) اوزره نه دئمک ایستردینیز؟
جاواب: ایران آدینی تمثیل ائدن بیر دیل و او دیل اطرافیندا اولوشموش بیر مدنیت اولمادیغی اوچون ایران آدیندا بیر ملت ده یوخدور.

میرزه فتحعلی آخوندوف، میرزه یوسفخان مستشار الدوله، میرزه ملکوم خان، جلال الدین میرزه لر قاجار شاهلیغی زامانیندا فرانسه انقلابیندان تأثیر آلاراق “ایران دؤلتی ملتی” آنلاییشینا قاپیلمیشلار. میرزه فتحعلی آخوندوف و جلال الدین میرزه هیندوستاندا دبستان المذاهب و دساتیر کتابلاری دئیه یازیلمیش یالان داستانلاردان یولا چیخاراق “پارسیان ایران” آنلاییشینی بیر ملت آنلاییشی دئیه اورتایا قویماغا چالیشمیشلار. بو یالان ماهیتلی داستانلار زردوشت میسیونئرجیسی اولموش و بمبئی شهریندن ایرانا کؤچموش مانکچی لیمجی هوشنگ هاتریا آدلی بیر شخص واسیطه سی ایله ایران ممالیکی محروسه سینه گتیریلمیش.

جلال الدین میرزه بو کتابلار اساسیندا فارسلار اوچون “نامه خسروان” دئیه یالان ماهیتلی “فارس شاهلیق سیلسیله لری دئیه بیر شجره نامه یازمیش. بئله لیکله جلال الدین میرزه اورادا پیشدادیان، کیان و اشکانیان دئیه فارسلیق اوچون کیملیک و شناسنامه دوزتمگه چالیشیلمیش. دئمک، قاجار شاهلیغی زامانیندا تورک ائلیتی یازیلی تورکچه بیلینج و شعورا مالیک اولمادیغی اوچون تاریخده دیوان دیلی اولموش فارسچانی “ایران دؤلتی ملتی” دیلی دئیه قلمه آلماغا باشلامیشلار. بئله لیکله بو آنلاییش فارسلیق اساسیندا “ایران دؤلتی ملتی” دئیه اوتایا قویولموش سیاسی، قوندارما و مصنوعی بیرملی کیملیک و هویت اولموش. بوندان یانا دا بوگون فارس ائلیتی و فارس ایستعمار قوه لری، فارس دیلی و مدنیتی اطرافیندا اولوشموش بیر “فارس ملتی” آنلاییشی نین وار اولدوغونو قبول ائتمک ایستمزلر.

قیسا سؤز ایله دئسک، بوگونکو “ایران دؤلتی” فارس دیلی و مدنیتی اساسیندا اداره اولونموش بیر حاکیمیتچیلیک سیستیمی ساییلارکن ایران آدلی بیر دیل اولمادیغی اوچون “ایران کیملیگی (هویتی)” ده قوندارما بیر آد اولاراق فارس ایستعمار قوه لری طرفیندن فارس اولمایان ملی توپلوملارا سیریما و تحمیلی بیر آد و ائتیکئت ساییلار. بو آدین اوزونو قاشیدیقدا آلتیندان فارسلیق ائشیگه چیخار.

ایشیق سؤنمز، ۰۲.۰۳.۲۰۱۹

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *