شنبه - ۲۳ آذر ۱۳۹۸
صفحه اصلی / آذربایجان / قادین، گونلیک و آزربایجان میللی حرکتی – کریم اصغری

قادین، گونلیک و آزربایجان میللی حرکتی – کریم اصغری

بو یازیدا نه لیغلی سودان بالیق توتماق نییتیم وار و نه ده کیمسه یه سالدری و یا بنزر مسئله لر. شخصی دوشونجلریمی صمیمی شکیلده یازماق ایستییرم.

بیر نئچه ایل بوندان اول ” دستاوردها و نارسائیهای حرکت ملی آزربایجان” باشلیقلی یازی یازمیشدیم. یازینین بیر بولومونده یازمیشدیم کی اگر قادینلار بو حرکتده اولماسالار و یا دستک وئرمسه لر حرکتین نتیجه یه چاتماسی مومکون دئیل و گینه ده عینی فیکیردَیم.

آزربایجان میللی حرکتی و آزربایجان تورکلری پان ایرانیستلر و ایران دوولتینین اَن ضعیف و قورخدوغو نقطه لردن بیریدیر. اونون اوچون بو حرکته هر طرفدن سالدیری و توطئه لر واردیر.

میللی موجادیله نین بیر بولومو ده، سوسیال شبکه لر اوزریندن گئدیر. دیققت ائتمسک بو مسئله اوز علیه میزه چئوریله بیلَر. ایستیفاده ائتدیمیز ادبیات، ایصطیلاحلار و یا پلانلارا چوخ چوخ دیققت اولماق لازیم. چونکو قارشئمئزدا گوجلو بیر ایستیخبارات دوولتی واردیر. حله حله ۱ خورداد و یا ۲۱ آذر کیمی میللی گونلرده بونلارین فعالیتی داها چوخ آرتیر.

سیاست و میللی موجادله “ضارافات/شوخلوق” بیر مسئله دییل دیر. سیاستین الفباسینی بیلمه ین شخص لر و یا گروهلارین الینده کی بعضی آز چوخ ایمکانلار، کیمی زامان خیری اولسادا بلکه اوزون زاماندا اله ضررلری اولا بیلر کی هئچ دوشمان او ضربه یی وورا بیلمز. اونون اوچون، سیاستچی، چیخارچی و یا مبارز اینسانلارین تعریفلری فرقلی فرقلی دیر.

حرکت ده قادین مسئله سینه گلینجه؛ جاواب چوخ آچیق و نت دیر. قادینلار کیشیلر کیمی اینساندیلار و بوتون اینسانی حاقلارا صاحیب. قادین بیر ابزار و یا آلت دئییل، بلکه وارلیغیمیز هئر یئرینده و آنلامیندا ۵۰٪ تشکیل اِدن اونملی وارلیق و گوج دور. قادینلارین دستگی اولمادان اودوزمامیز سوزسوزدور.

بوتون قادین حاقلاری و دیرلرینه صاحیب دورماق هاممیمیزین گورویدیر. بونو حایاتیمیزین بیر پیرنسیبی کیمی گورمه میز گئرکیر.

کریم اصغری
۳۱ اردیبهشت ۱۳۸۹

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *