صفحه اصلی / درباره ما

درباره ما

گونئی آذربایجان میللی آزادلیق جبهه‌سینین (گاماج)

اساسنامه و نیظام نامه‌سی:

«گونئی آذربایجان/آزربایجان میللی آزادلیق حرکاتین‌دا اورتاق پرینسیپلر اساسین‌دا بیرگه فعالیت ضرورتین‌دن ایر‌لی گله‌رک،۱۲ دئکابر ۲۰۰۹-جو ایل تاریخین‌ده آمستئردام توپلانتی‌سی کئچیریلدی. آمستئردام توپلانتی‌سین‌دا میللی قوه و تشکیلاتلارین قبول ائتدیکلری ۱۲ مادده‌لیک بیانییه بوتؤولوک‌ده گونئی آذربایجان میللی حرکاتینین سیستئم‌لی فعالیت ایستیقامتینی موعیینلشدیریر. بروکسئل توپلانتی‌سین‌دا ایشتیراک ائد‌ن میللی قوه‌لرین دستیی ایله بو ایستیقامت‌ده آپاریلان فعالیت گونئی آذربایجانین اوموم میللی پروبلئملرینین اولوسلاراراسی مکان‌دا گون‌ده‌مه گتیریلمه‌سی و حلی، داخیل‌ده و خاریجده میللی حرکاتین گئنیش احاطه‌لی سیستئم‌لی اینکیشافا یول آچماسی، آذربایجان سیاسی توپلومونون دونیایا تانئتدیریلماسی باخیمین‌دان اولدوقجا اؤنملی‌دیر. ۱۲-۱۳ ایون ۲۰۱۰-جو ایل تاریخ‌ده بروکسئل‌ده کئچیریله‌ن توپلانتی‌دا گونئی آذربایجان میللی منافئیی اوغرون‌دا آپاریلان موباریزه‌ده بوتون میللی قوه‌لرین داواملی ایش بیرلیینی تشکیلات فورماسین‌دا رئاللاش‌دیرماق مقصدیله گونئی آذربایجان میللی آزادلیق جبهه‌سینین (گاماج) یارادیلماسی تکلیفی ایر‌لی سورولدو و سس چوخ‌لوغو ایله قبول اولوندو.

گونئی آذربایجان میللی آزادلیق جبهه‌سی ۱۲ مادده‌ده‌ن عیبارت آمستئردام بیانییه‌سینی اؤزون‌ده ائهتیوا ائد‌ن و گونئی آذربایجان میللی ماراقلارینا دایاناراق دئموکراتیک فعالیت گؤستره‌ن میللی-سیاسی قوروم‌دور.

گونئی آذربایجان میللی آزادلیق جبهه‌سینین نیظام نامه‌سی:

I . عمومی مودده آلار:

۱. گونئی آذربایجان میللی آزادلیق جبهه‌سی (بوندان سونرا گاماج) آلمانییانین هانوووئر شهرین‌ده رسمی قئیدیات‌دان کئچمیش لئقال و شففاف فعالیت گؤستره‌ن قئیری- کوممئرسیال قوروم‌دور.

۲. گاماج حقوقی شخص‌دیر، موستقیل بالانسا، بانک حسابینا، مؤهوره، لوقویا، بلانکا مالیک‌دیر.

۳. گاماج، بو نیظامنامه ایله نظرده توتولان مقصد و وظیفه‌لرینی حیاتا کئچیرمک‌دن اؤترو موختلیف اؤلکه‌لرده فیلیاللارینی، نماینده‌لیکلرینی یارادیر و اونلارین فعالیتینی دایاندیریر.

۴. جبهه بو نیزامنامه ایله نظرده توتولموش وظیفه‌لرینی حیاتا کئچیرمک مقصدیله سیاسی قوروملار، اجتماعی بیرلیکلر و بئینلخالق تشکیلاتلارلا امکداش‌لیق ائدیر. 

II . گاماج ئن پرینسیپلری و فعالیت ایستیقامتی:

۵. گونئی آذربایجان میللی آزادلیق جبهه‌سینین پرینسیپ و فعالیتی آمستئردام بیانییه‌سینین ۱۲ مادده‌سینه اساس‌لانیر.

۵.۱. توپلانتی، گونئی آذربایجان‌دا یاشایان آذربایجان تورکلرینین میللی آزادلیغی یولون‌دا موباریزه ‌ده ایران‌چی‌لیغی (پانیرانیزمی)، فارس راسیزمی و اونو تمثیل ائد‌ن بوگون کو ایران ایسلام جومهوریتینی اساس مانعه کیمی گؤرور.

۵.۲. آذربایجان میللی آزادلیق حرکاتینین آمالی گونئی آذربایجان دا موستقیل میللی – دئموکراتیک دؤولت قورماق‌دیر. آیریجا، گونئی آذربایجانین حدودلاری خاریجین‌ده یاشایان دیگر تورک خالقلارین میللی حاقلارینی دا قوروماق لازیم‌دیر. آذربایجان میللتی اؤز موقددراتینی تعیین ائتمک‌ده سون سؤز صاحبی اولمالی‌دیر.

۵.۳. آذربایجان میللی حرکاتی سئکولار دؤولت قورولماسینین طرفداری‌دیر و بو یول‌دا موباریزه آپاریر.

۵.۴. تورک دیلی (آذربایجان تورکچه‌سی) رسمی دؤولت دیلی اولمالی‌دیر. بوتون اؤلکه‌ده یاشایان تورکلر اوچون تورک دیللی مئدیا شبکه‌لری قورولمالی‌دیر. آذربایجانین علمی، تئکنیکی و اقتصادی اینکیشافی تعمین ائدیلمه‌لی، میللتیمیزین یاشاییش سوییه‌سی دونیانین اینکیشاف ائتمیش میللتلری سوییه‌سینه یوکسلمه‌لی‌دیر.

۵.۵. آذربایجان میللی حرکاتی بوتون ساحه‌لرده قادین-کیشی حقوق برابرلیگی اوغرون‌دا موباریزه آپاریر.

۵.۶. دین، مذهب، مسلک، اینانج، سؤز، مطبوعات، سئندیکالار، سیاسی پارتییالار، گئییم و یاشام طرزی کیمی بوتون مده‌نی و سیاسی آزادلیقلار قئیدسیز-شرط‌سیز تعمین ائدیلمه‌لی‌دیر.

۵.۷. آذربایجان میللی حرکاتی اعداما و هر نؤو ایشگه‌نجه‌یه قطعی شکیل‌ده قارشی‌دیر.

۵.۸. میللی حرکات آریاراسیزم سیستئمینین تمثیل‌چی‌سی اولان ایران ایسلام جومهوریتینین آذربایجان‌دا دئموقرافیک یاپینی دییش‌دیرمه سیاستینه قارشی چیخیر و بو رئژیمه قارشی میللی ظلم آلتین‌دا یاشایان دیگر میللتلرله ایشبیرلیگی آپاریر.

۵.۹. یوخاری‌دا قئید ائدیله‌ن هدفلره چاتماق اوچون خاریج‌ده فالیت گؤستره‌ن آذربایجان‌لی قوه‌لر، داخیل‌ده گئدن میللی موباریزه‌نی دستکله‌مه‌لی،اونا اولوسلاراراسی اینسان حاقلاری مرکزلرین‌دن دستک قازانمالی، آذربایجانا قارشی اینفورماسییا بلوکاداسینی قیرمالی و بوتون دونیادا آذربایجان میللی منافئیی اوچون لوببی‌چی‌لیک فعالیتلرینی تشکیلاتلان‌دیرمالی‌دیر.

۵.۱۰. گونئی آذربایجان میللی آزادلیق حرکتی موستقیل، لایک و دئموکراتیک حرکات‌دیر.

۵.۱۱. گونئی آزربایان میللی آزادلیق حرکاتی دونیا اینسان حاقلاری بیاننامه‌سینین و اونا باغلی کونوئنسیونلارین آذربایجان‌دا حیاتا کئچیریلمه‌سی اوچون موباریزه آپاریر.

۵.۱۲. گونئی آذربایجان میللی آزادلیق جبهه‌سی آمستئردام بیانییه‌سین‌دن ایر‌لی گلن بو مقصدلرله یاناشی، گونئی آذربایجان‌دا اطراف موحیط و میللی، تاریخی و مده‌نی ثروتلرین قورونماسی ایله باغلی کونکرئت لاییحه‌لرین حیاتا کئچیریلمه‌سی ایستیقامتین‌ده فعالیت گؤستریر.

III  . گاماج ئن حقوقلاری و فعالیت پرینسیپلری:

۶. جبهه اؤز مقصد و وظیفه‌لرینی حیاتا کئچیرمک اوچون آشاغی‌داکی حقوقلارا مالیک‌دیر:

۶.۱. قانونوئریجی‌لیک چرچیوه‌سین‌ده موستقیل فعالیت گؤسترمک.

۶.۲. مقصد و فعالیتی باره‌ده سربست معلومات یایماق.

۶.۳. جمعیت، سیاسی قوروملار، اجتماعی بیرلیکلر و بئین الخالق تشکیلاتلاری آذربایجان حاقیندا معلوماتلان‌دیرماق.

۶.۴. کونفرانسلار، دییرلندیرمه ماسالار، سئمینارلار تشکیل ائتمک.

۶.۵. مطبوعات کونفرانسی کئچیرمک.

۶.۶. قانونوئریجی‌لیکله معین ائدیلمیش قایدادا مطبوعات اورقانلاری تاسیس ائتمک، بولتن لر و باشقا نشرلر بوراخماق.

۶.۷. علمی-کوتلوی ادبیات نشر ائتدیرمک.

۶.۸. موقاویله‌لر و سازیشلر باغلاماق.

۶.۹. بئین الخالق علاقه‌لر یاراتماق.

۶.۱۰. بئین الخالق قئیری-حکومت تشکیلاتلاری ایله امکداش‌لیق ائتمک.

۶.۱۱. اؤز فعالیتینی حیاتا کئچیرمک اوچون نیظامنامه‌ده نظرده توتولان بوتون منبع و اوسوللار واسطه‌سیله جبهه‌نین مالیلشمه‌سینی تشکیل و تعمین ائتمک.

۷. جبهه‌نین فعالیت پرینسیپلری:

۷.۱. جبهه نیظامنامه‌سینه جدی عمل ائدیر.

۷.۲. جبهه ائتیک-اخلاقی پرینسیپلری یوکسک قیمتلندیریر.

IV . گونئی آذربایجان میللی آزادلیق جبهه‌سینه عضولوک

۸. گاماج ئن نیظامنامه و پروقرامینی قئبول ائدن، ۱۸ یاشینا چاتمیش، فعالییت قابیلیت‌لی گونئی آذربایجان‌دان اولان هر بیر آذربایجان‌لی گاماج-آ عضوو اولا بیلئر. آنجاق امنیتی دلیللره گوره تشکیلاتیمیزین گونئی آذربایجان و ایران آدلانان اولکه سی حدودلاری ایچریسینده هر هانسی بیر عضوو و یا تمثیللیگی اولمایاجاقدیر.

۸.۱. گاماج-آ عضولوک فردی‌دیر.

۸.۲. گاماج-آ عضولوک آچیق و گیزلی فورمادا اولا بیلئر. آچیق اوزولوک اوچون آنکئت دولدورولمالی و آنکئت گاماج-این تشکیلات کومیته‌سینه گؤندریلمه لیدیر.

۸.۳. اوزولوک حاقین‌دا ایستکلره ایداره هئیتی قئرار وئریر.

۸.۴. آچیق فعالییت گؤستئرن عضولره اوزولوک وسیقه‌سی وئریلیر.

۸.۵. گاماج-آ فئخری عضولوک گونئی آذربایجان‌دان اولمایان آذربایجان‌لیلارا شامیل ائدیلیر.

۹. گاماج عضوو آشاغی‌داکی حقوقلارا مالیک‌دیر:

۹.۱. گاماج-این قورولتایین‌دا ایشتیراک ائتمه ک.

۹.۲. گاماج ئن رهبئر اورقانلارینی سئچمک و سئچیلمه ک.

۹.۳. گاماج ئن سیاستینین موعیین اولونماسین‌دا، اونون فعآلیه تینه عایید مئسه له لرین موزاکیره سین‌ده ایشتیراک ائتمک.

۹.۴. گاماج طئرئفینده ن حیاتا کئچیریلئن تئدبیرلئرده ایشتیراک ائتمک.

۹.۵. گاماج ئن سیاستینی و اونون اورقانلارینین عملی فعالییتینه عایید مسئله لری سئربست موزاکیره و تنقید ائتمه ک، تکلیف و رای لر وئرمئک.

۹.۶. گاماج اؤز عضوونه تشکیلات داخیلی و ایجتماعی موزاکیره لر زامانی دئموکراتیک چئرچیوده سؤیله دییی فیکیرلره گؤره اینتیظام تدبیری تئتطبیق ائتمیر.

۹.۷. گاماج اؤز عضولرینین و تعصب کئشلئرینین حقوقلارینی مودافیه ائدیر.

۹.۸. گاماج-دا عضولوک ایداره هئیتینین قراری اولمادان هئچ بیر شخصه علاوه ایمتیاز وئرمیر.

۱۰. گاماج عضوونون وظیفه لری آشاغی‌داکئلاردان عبارت‌دیر:

۱۰.۱. گاماج عضولری نیظامنامه‌نین مودده آلارینا عمل ائتمئکی و اونون رهبر اورقانلارینین قئرارلارینی یئرینه یئتیرمئه بورجلودورلار.

۱۰.۲. گاماج ئن پروقرامیندا و دیگر رسمی سندلرینده معیین لشدیریلمیش وظیفه لری حیاتا کئچیریلمه سینده فعآل ایشتیراک ائتمک.

۱۰.۳. گاماج ئن اساس پرینسیپلرینه عمل ائتمئک.

۱۰.۴. گاماج ئن ایشین‌ده فعال ایشتیراک ائتمه ک، وئریلن تاپشیریقلاری واختین‌دا یئرینه یئتیرمئک.

۱۰.۵. جبهه داخیلی اینتیظاما ریعایت ائتمئک و جبهه دن کینار فعالییتینده جبهه نین  نفوذونو قوروماق.

۱۰.۶. معیین اولونموش قایدادا عضولوک حاقینی اؤد‌مک.

۱۱. عضولوکدن آزاد ائدیلمک و عضولوکدن چیخماق.

۱۱.۱. گاماج ئن نیظامنامه‌سینه و پرینسیپلرینه ضد حرکت ائد‌ن عضو، ایداره هئیتینین قراری اساسین‌دا عضولوک‌دن آزاد ائدیلیر.

۱۱.۲. گاماج عضوونون جبهه دن چیخماق ایستیینه اونون شخصی عریضه‌سی اساسین‌دا باخیلیر.

۱۱.۳. عریضه ایلک اولاراق تشکیلات کومیته‌سینه عنوان‌لانیر و ایداره هئیت-ده موزاکیره ائدیلرک قئرار چیخاریلیر.  

۱۱.۴. ایداره هئیتینین قئراری عضولوک‌دن چیخماق ایستیه ن شخصه یازی‌لی شئکیل‌ده بیلدیریلیر.

۱۱.۵. گاماج عضوو نیظامنامه مودده آلاری و قبول اولونموش قرارلاری یئرینه یئتیرمئدیک‌ده، مرکزی نظارت اینتیظام-کومیته‌سی(منیک) همین عضوون فعالیتی حاقیندا جبهه نین ایداره هئیتینه یازیلی معلومات وئریر.

۱۱.۶. ایداره هئیتی همین عضو حاقین‌دا اینتیظام تدبیرلری گؤرور و یا همین عضوون عضولوک‌دن آزاد ائدیلمه سی حاقین‌دا قئرار وئریر.

۱۱.۷. جبهه عضولویونده ن خاریج ائدیلئن شخص بیر آی مدتین‌ده مرکئزی نظارت-اینتیظام کومیته‌سینه (منیک) شیکایت عریضه سی ایله موراجیعت ائده بیلئر.

۱۱.۸. مرکزی نظارت اینتیظام-کومیته‌سی بو شیکایتی ۷ گون مدتین‌ده آراش‌دیرمالی، شیکایتچی نین عریضه‌سینه باخاراق اووزلوکده ن خاریج ائتمک حاقین‌دا ایداره هئیتینین وئردیی قئرارا یئنی‌دن باخیلماسی اوچون اونو ایداره هئیتینه گؤندرمه لیدیر.

 V . گاماج ئن ایداره ائتمه اورقانلاری و اونلارین صلاحیتلری:

۱۲. جبهه‌نین ایداره ائتمه اورقانلاری آشاغی‌داکیلاردیر:

قورولتای، ایداره هئیتی، باشقان، سؤزچو، کاتیب.

۱۳. جبهه‌نین عالی ایدارئتمه اورقانی قورولتای‌دیر. قورولتای ایلده بیر دفعه و یا ان گئجی ایگیرمی

دؤرد آی فاصیله ایله چاغیریلیر. لازیم گلدیک‌ده ایداره هئیتی عضولرینین اوچده ایکی‌سینین (۲/۳) سسی ایله فؤوقه‌لاده ایجلاس چاغریلیر.

۱۳.۱. قورولتای جبهه‌نین نیظامنامه‌سینی قبول ائدیر، ویا اوندا دییشیک‌لیکلر، علاوه‌لر ائدیر.

۱۳.۲. قورولتای ایللیک فعالیتلرین حئساباتینی آلیر و نؤوبتی فعالیت دؤورو اوچون یئنی ایش پلانی قبول ائدیر.

۱۳.۳. قورولتای گیزلی سس وئرمه یولو ایله ۱۱ (و یا ۹) نفردن عبارت ایداره هئیتینی سئچیر.

۱۳.۴. قورولتای بیانات و قعطنامه قبول ائدیر.

۱۴. ایداره هئیتی:

۱۴.۱. ایداره هئیتی ۹ (و یا ۱۱) نفردن عبارت‌دیر.

۱۴.۲. ایداره هئیتی جبهه‌نین فعالیتینی حیاتا کئچیره‌ن اورقان‌دیر.

۱۴.۳. ایداره هئیتی اؤز صلاحیتلری چرچیوه‌سین‌ده جبهه‌نین داخی‌لی قای‌دالارینی، بؤلمه و نماینده‌لیکلرینی، سیاسی پارتییالار، اجتماعی بیرلیکلر و بئین الخالق تشکیلاتلارلا علاقه‌لرین یارادیلماسینی، آیری-آیری کادرلارین فونک‌سییالارینی و سایره معین ائدیر.

۱۴.۴. ایداره هئیتی قورولتای‌دان قورولتایا سئچیلیر و ایداره هئیتی  اؤز عضولری آراسیند‌ان نؤوبتی قورولتایا قدر باشقان، مطبوعات سوروم‌لوسو، کاتیب و لازیم گلن دیگر مسئوللاری سئچیر.

۱۴.۵. ایداره هئیتینین قرارلاری ایداره هئیتی عضولرینین ۵۰%- ایشتیراک ائتدیک‌ده و ایشتیراک ائد‌نلرین ۵۰+۱ نفر لئهینه سس وئردیک‌ده قبول ائدیلمیش حساب اولونور.

۱۴.۶. ایداره هئیتی ۳ قای‌دادا قرار چیخاریر: ایجلاس، ایجلاسلارآراسی ائ-مایل و تاپشیریق اساسیندا.

۱۴.۷. ایداره هئیتی عضولری ائ-مایل آدرئس لرینه داخیل اولان تکلیفلره ۷ گون مدتینه فیکیر بیلدیریر و ۳ گون مدتینه قرار قبول ائدیرلر.

۱۴.۸.ایداره هئیتین‌ده چیخاریلان قرارین ایجراسی بیر فرد، بیر کومیس‌سییا و یا ایشچی قروپونا تاپشیریلیر. فرد و یا کومیس‌سییانین یئرینه یئتیردیی تاپشیریق ایداره هئیتینین تصدیقین‌دن سونرا حیاتا کئچیریلیر.

۱۴.۹.ایداره هئیتینین قبول ائتدیی قرارلار سندلشمدیی حال‌دا اعتبارسیز ساییلیر. کاتیب آلینان قرارلاری پروتوکوللاشدیریر و ایداره هئیتینین بوتون عضولرینه گؤندریر.

۱۴.۱۰.ایداره هئیتینین ایجلاسلارین‌دا سبب گؤستریلمه‌دن آردیجیل اولاراق ۳ دفعه‌دن چوخ ایشتیراک ائتمه‌یه‌ن ایداره هئیتی (ایه) عضوو ایداره هئییتینین قراری ایله ایداره هئیتی عضولویون‌دن کنارلاشدیریلیر و قورولتای‌دا سس چوخلوغو ایله سئچیلمیش ایداره هئیتی-نین عوض ائدیجی عضوو ایداره هئیتی-نین اساس عضوو کیمی فعالیته باشلاییر.

۱۴.۱۱.ایداره هئیتی عضولرینین هر هانسی‌ بیری هر هانسی سببدن دولایی گاماج-دا فعالیت گؤسترمک ایستمدیی حالدا ایه عضولویون‌دن چیخما سببی حاقین‌دا یازی‌لی معلومات وئرمه‌لی‌دیر. ایداره هئیتی بو معلوماتا اساس‌لاناراق همین عضوو ایداره هئیتی-دن کنارلاشدیریر.

۱۵. جبهه‌نین فعالیتینه باشقان رهبرلیک ائدیر.

۱۶.کاتیب ایداره هئیتینین کاتیبی و قورومون داخیلی علاقه‌لر مسئولودور.

۱۶.۱. کاتیب سندلرین، ایجلاس پروتوکوللارینین حاضرلانماسی، قورومون داخیلی علاقه‌لرینین تنظیمله‌نمه‌سی، دیگر قوروم و تشکیلاتلارلا علاقه‌لرین قورولماسی و س… صلاحیتلری حیاتا کئچیریر.

۱۷. مطبوعات سوروم‌لوسو جبهه‌نین فعالیتی و کئچیریله‌جک تدبیرلرله باغلی معلوماتلاری، بیاناتی و سایر… مطبوعاتا چاتدیریر.

VI .  گونئی آذربایجان میللی آزادلیق جبهه‌سینین مالییه فون‌دو

۱۸. جبهه‌نین مالییه فوندو گاماج ئن قئیدیات‌دان کئچدیی اؤلکه‌نین قانونوئریجیلیینین ایجازه وئردیی اصول و منبع‌لردن یارارلانماقلا، همچینین گونئی آذربایجان میللی حرکات فعاللاری، میللی حرکاتی مدافعه ائد‌ن قوروم و شخصلرین یاردی‌می ایله یارادیلیر.

۱۹. جبهه‌نین مالییه فوندو ایه طرفین‌دن معین ائدیلمیش مالییه کومیته‌سی طرفین‌دن ایداره اولونور.

۲۰. مالییه فوندونا نظارت ائد‌ن مالییه کومیته‌سی ایداره هئتینه حئسابات وئریر.

۲۱. جبهه‌نین وسایتی ایداره هئیتینین قرارلارینا اویغون اولاراق خرجلنیر.

VII . جبهه‌نین فعالیتینه خیتام/سون وئریلمه‌سی

۲۲. جبهه‌نین فعالیتینه یالنیز قورولتایدا عضولرینین ان آزی اوچده ایکی‌سینین(۲/۳)  راضی‌لیغی ایله خیتام/سون وئریله بیلر.

۲۳. جبهه‌نین فعالیتی دایاندیریلدیق‌دان سونرا اونون املاکی ایداره هئتیننین قرارینا اویغون اولاراق صرف ائدیلیر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *