Azərbaycanlı milli-mədəni fəal Nəsim Sadiqiyə qarşı irəli sürülən ittihamlardan 2-nin icraatına xitam verilib.
Məhkəmə sənədinə görə, “internetdə yalan məlumat yayma” və “İran əleyhdarı olan cəmiyyətlərə üzvlük” ittihamları Nəsim Sadiqinin üzərindən görütülüb, lakin o “sistemin əleyhinə təbliğat aparma” ittihamı ilə mühakimə olunacaq. Fəal saxlandığı zaman qeyd etdiyimiz 3 ittihamla üzləşmişdir.
Təbriz sakini olan azərbaycanlı milli-mədəni fəal hazırda müvəqqəti olaraq azadlıqdadır.
Nəsim Sadiqi 2018-ci il oktyabrın 21-də təhlükəsizlik qüvvələri tərəfindən saxlanılıb. O bir neçə gün sonra oktyabrın 31-də məhkəmə prosesi başlayanadək 150 milyon tümənlik mülki vəsiqə qarşılığında Təbriz zindanından azadlığa buraxılıb.