GAMAC Güney Azərbaycan milli azadlıq cəbhəsi
Güney Azərbaycanın Təbriz şəhərində divarlara həbsdə olan güney azərbaycanlı milli-mədəni fəalların azadlığa buraxılmasını tələb edən posterlər yapışdırılıb.
Posterlərə şəhərin müxtəlif məhəllələrində rast gəlinir.
Güney azərbaycanlı milli-mədəni fəallar təhlükəsizlik orqanlarının təqib və təzyiqlərinə rəğmən bütün riskləri göz önünə alaraq siyasi məhbuslara dəstək verməyə çalışır.
Posterlərin divarlara yapışdırılmasında məqsədlərdən biri də Azərbaycan ictimaiyyətinin diqqətini milli-mədəni fəallara edilən təzyiqlərə daha çox cəlb etməkdir.
“Azərbaycanlı siyasi məhbuslar özgür buraxılsın” yazılmış posterlərdə İranın müxtəlif zindanlarında məhbus həyatı yaşayan bir neçə azərbaycanlı milli-mədəni fəalın şəkili öz əksini tapıb.
