Güney azərbaycanlı fəal Əmin Vəlizadə saxlanılıb

Güney azərbaycanlı milli-mədəni fəal Əmin Vəlizadə “Sepah”ın kəşfiyyat əməkdaşları tərəfindən saxlanılıb.

Salmas sakini olan fəal fevralın 29-da saxlansa da bu barədə yenicə xəbər yayılıb.

Məlumata görə, təhlükəsizlik qüvvələri fəalın evinə müraciət edərək axtarış aparıb, ona məxsus şəxsi əşyalar, o cümlədən kompüter və mobil telefonunu özləri ilə aparıblar.

Əmin Vəlizadənin hansı səbəbdən yaxalandığı və harada saxlandığı barədə hələlik heç bir məlumat yoxdur.