GAMAC Güney Azərbaycan milli azadlıq cəbhəsi
Güney azərbaycanlı milli-mədəni fəal Əlirza Fərşi Tehranda saxlanılıb.
Fəal yanvarın 8-ı günortadan sonra mülki geyimli şəxslər tərəfindən öz iş yerində yaxalanıb.
Onun hansı səbəbdən saxlandığı barədə yaxınlarına heç bir məlumat verilməyib.
Əlirza Fərşi 2014-cü ildə Nəsimşəhrdə Beynəlxalq Ana Dili Günü mərasiminə qatıldığı üçün Baharistan İnqilab Məhkəməsinin 1-ci şöbəsi tərəfindən 15 il həbs və 2 il Xuzistan Əyalətinə sürgünə məhkum edilib.
Beynəlxalq Əfv Təşkilatı ötən aylarda bəyanat yayaraq azərbaycanlı fəal barəsində çıxarılan ağır məhkəmə hökmünün ləğv edilməsini tələb etmişdir.
Əlirza Fərşi və onunla birlikdə yaxalanan digər 3 güney azərbaycanlı fəalın apellyasiya şikayətinə 2019-cu il dekabrın 23-də Tehran Apellyasiya Məhkəməsinin 54-cü şöbəsində baxılıb.
