Həmədanda “İnanlar” kitabı işıq üzü görüb

Güney Azərbaycanın Həmədan şəhərində Həmədan türklərinin xalq inanclarından bəhs edən kitab işıq üzü görüb.

Əli Qadiri Nəhadın “İnanlar” əsəri ötən günlərdə Rayin Nəşriyyatı tərəfindən nəşr olunub.

Kitabda Həmədan türkləri, xüsusi ilə də Rəzən və Dərgəzin şəhərlərinin xalq inanclarından bəhs olunur. Bu inancların bəziləri Azərbaycanın müxtəlif bölgələrində yayılıb, bəziləri isə yerli əhaliyə məxsusdur.

Maraqlananlar kitabı Həmədanda Ənsari Kitab Mağazası və Rayin Nəşriyyatından əldə edə bilərlər.

Həmədan Azərbaycanın qədim bölgələrindən biridir. Əyalət əhalisi İran rejiminin asimilasyon siyasətinin əsas hədəflərindən biri olsa da, yenə də türk kimliyi və adət-ənənəsini qoruyub saxlamağa çalışıb.