Məşhur Türkiyə dərgisində Güney Azərbaycandan olan qrafistin əsəri əks olunub

Güney Azərbaycandan olan tanınmış qrafist Elnaz Xakzadın əsəri Türkiyənin məşhur dərgisinin üz qabığında dərc olunub.

Azərbaycanlı sənətkarın qrafika əsəri “Kardeş Kalemler” nəşriyyəsində öz əksini tapıb.

Avrasiya Yazarlar Birliyinin rəsmi orqanı olan “Kardeş Kalemler” dərgisi ikinci dəfədir ki, üz qabığında Elnaz Xakzadın əsərlərindən istifadə edir.

Azərbaycanlı türk sənətkar öz əsərində Dədə Qorqudun portretini özünəməxsus formada çəkib.

“Kardeş Kalemler” dərgisi bundan əvvəl xanım Elnaz Xakzadın “Dəli Dümrül” qrafika əsərini nəşriyyənin üz qabığında dərc etmişdir. “Dəli Dümrül” “Kitabi- Dədə Qorqud”da qeyd olunan 12 dastandan biridir.