Güney azərbaycanlı milli-mədəni fəal Səhənd Məalinin saxlanmasının 3-cü ayıdır.
Fəal mayın 2-də Sarab şəhərinin Hökmləri İcra edən Şöbəsinin məmurları tərəfindən saxlanılıb, o məhkum edildiyi 10 aylıq həbs cəzasını çəkmək üçün Sarab zindanına aparılıb.
Şahidlərin dediyinə görə, azərbaycanlı fəal saxlanılarkən təhlükəsizlik qüvvələri tərəfindən döyülüb.
Səhənd Məali Sarab şəhər sakinidir. O Güney Azərbaycan türk millətinin demokratik və milli hüquqları uğrunda apardığı mədəni mübarizəyə görə dəfələrlə təhlükəsizlik qüvvələri tərəfindən saxlanılıb, həbs olunub və müxtəlif təzyiqlərə məruz qalıb.