GAMAC Güney Azərbaycan milli azadlıq cəbhəsi
Təbriz Şəhər Şurasının rəis müavini təmsil etdiyi şəhərin havasının çirkləndirilməsi barədə həyəcan təbili çalır.
Soniya Əndiş bu barədə fevralın 25-də jurnalistlərin qarşısında çıxış edib.
“Fevralın 24-də Təbriz Şəhər Şurasının keçirdiyi iclasda Elektrik Stansiyasının mazotdan istifadə etməsi və bundan dolayı havanın çirkləndirilməsini müzakirə etdik. Qərara gəldik ki, bu məsələ valilik tərəfindən araşdırılmalıdır.”- deyə o bildirib.
Şəhər Şurasının rəis müavini sözlərinin davamında şəhər əhalisinin nigaranlığına toxunub.
“Təbriz əhalisi, xüsusi ilə də şəhərin qərb tərəfində yaşayan əhali uzun illərdir ki, Elektrik Stansiyası və Neft-kimya Şirkətinin havanı çirkləndirməsindən əziyyət çəkir. Əhali bu məsələyə dəfələrlə etiraz bildirib. Artıq bu problemi diqqət mərkəzində saxlamalıyıq.”- deyə o vurğulayıb.
