GAMAC Güney Azərbaycan milli azadlıq cəbhəsi
Yanvarın 26-da Tehranın Azadi stadionunda bu şəhərin “Perspolis” və Güney Azərbaycanın “Traxtur” komandaları arasında keçirilən görüşdə soydaşlarımız tərəfindən milli şüarlar səsləndirilib.
Görüş zamanı minlərlə “Traxtur” tərəfdarı öz milli kimliklərini ifadə etmək məqsədi ilə bir çox milli şüar səsləndirməklə yanaşı Azərbaycanın şanlı üçrəngli bayrağını da dalğalandırıblar.
“Traxtur” tərəfdarları İran həbsxanalarında məhbus həyatı yaşayan güney azərbaycanlı milli-mədəni fəalların şəkillərini əks etdirən bannerlər nümayiş etdirərək onların azadlığa buraxılmasını tələb ediblər.
Azadi stadionunda soydaşlarımız gur səslə bir neçə milli şüar səsləndirib.
Bu arada Urmiya şəhərinin Durnalar Yuvası stadionunda Urmiya komandası ilə “Peykan”ın arasında keçirilən voleybol yarışında “Azərbaycan – Azərbaycan” şüarı səsləndirilib.
