Çərşənbə günü Təbrizin səhənd stadionunda Güney Azərbaycanın “Traxtur” futbol komandası ilə Kirmanın “Mis” komandası arasında görüş keçirilib.
İran kuboku yarışları çərçivəsində keçirilən oyun 4:1 hesabı ilə Azərbaycan komandasının xeyirinə yekunlaşıb. Bu qələbədən sonra “Traxtur” yarışların yarımfinal mərhələsinə vəsiqə qazanıb.
Oyun soyuq hava şəraitində keçməsinə baxmayaraq görüşdə minlərlə soydaşımız tamaşaçı qismində iştirak edib. Onlar parlament seçkilərinə iki gün qalmış Qərbi Azərbaycan Əyalətinə göz tikən radikal kürdlər və terror qruplaşmalarına tutarlı cavab veriblər.
“Traxtur” azarkeşləri “Dağlar başı dumandı – Bura Azərbaycandır / Bu torpaqdan pay olomaz – Urmu Kürdistan olmaz” və digər milli şüarlar səsləndirib.