Pentaqon İranın Hörmüz boğazı üzərində Amerika PUA-sını vurduğunu təsdiqləyib

Amerika Birləşmiş Ştatlarının Müdafiə Nazirliyi- Pentaqon İranın bu ölkəyə məxsus “MQ-4C Triton” pilotsuz uçan aparatını vurması ilə bağlı yaydığı məlumatı təsdiqləyib.

Pentaqonun məlumatına əsasən, “Sepah”ın iddiasının əksinə olaraq, dron İran səmasında deyil, Hörmüz boğazı üzərində, beynəlxalq sularda yer- hava tipli raketlə vurulub.

Adının açıqlanmasını istəməyən Pentaqon rəsmisi “Reuters” agentliyinə bildirib ki, pilotsuz uçan aparat beynəlxalq sular üzərində vurulduğuna görə, ABŞ bu təxribatçı addım qarşısında İrana sərt cavab verəcək.